ტორტი ესკიმო

ინგრედიენტები:
კვერცხი 6ც
შაქარი 280 გრ( 14 ს/კ)
ზეთი 60 მლ( 6 ს/კ)
რძე 6 ს/კ
გამაფხვიერებელი 1.5 ჩ/კ ან სოდა 1 ჩ/კ
კაკაო 30 გრ ( 3 ს/კ)
ფქვილი 250 გრ ( 10 ს/კ)
მომზადება:
ავთქვიფოთ კვერცხის ცილა , დავუმატოთ დანის წვერით მარილი , შაქარი, შემდეგ კვერცხის გული , რძე და ზეთი , გამოვრთოთ მიქსერი ჩავაცრათ, კაკაო , ფქვილი და გამაფხვიერებელი.
საცხობი ფორმის ზომა 26 სმ
ვაცხობთ 170-180ზე 50 წთ დაახლოებით, ორივე წვაზე .
კრემი :
რძე 500 მლ
სიმინდის სახამებელი ან ფქვილი 4 ს/კ
კვერცხის გული 4ც
შაქარი 250 გრ ( 10 ს/კ)
ვანილი 1ც
კარაქი 250 გრ
ქვაბში მოვათავსოთ , შაქარი და სახამებელი , შევურიოთ ერთმანეთს , ვუმატებთ კვერცხის გულს , მსუბუქად ავთქვიფოთ , დავასხათ ცივი რძე , დავდგათ ნელ ცეცხლზე , ვურიოთ განუწყვეტლივ, წამოდუღდება და მზადაა, გადავიტანოთ ჯამზე , დავაფაროთ სამზარეულოს პარკი და გავაცივოთ , ოთახის ტემპერატურაზე.
ავთქვიფოთ , ოთახის ტემპერატურის კარაქი , დავუმატოთ ცივი ფაფა და ვანილი.
ბისკვიტზე გადავანაწილოთ კრემი და ბოლოს მინანქარი .
მინანქარი:
კაკაო 3 ს/კ
შაქარი 5 ს/კ
შოკოლადი 30 გრ
წყალი 80 მლ
ზეთი 2 ს/კ ან კარაქი 50 გრ
მომზადება:
კაკაო და შაქარი , შევურიოთ ერთმანეთს, დავუმატოთ წყალი , დავდგათ ნელ ცეცხლზე, ადუღების შემდეგ 2 წთ -ში გადმოვდგათ ცეცხლიდან, დავუმატოთ შოკოლადი და ზეთი