Nə dost var, nə tanış, nə də ki, qardaş, Hərə öz cibini güdür həyatda. Deyirlər, "zamandı hər şeyin həlli" Zaman da xeyrinə işləyir hətta… Oturub özünçün gün ağlamasan, Nə qardaş, nə zaman dadına yetməz. O qədər dost-tanış gəlib gedib ki, Hamısı bir yerdə beş qəpik etməz… Kimsədən nə kömək, nə pul istəmə, Verən də, başına qaxacaq sənin. Üz alıb belinə çıxan adamlar, Sırayla başına çıxacaq sənin… Elə bu səbəbdən nə sev, nə sevil, Sevgilin olmasın, dostun olmasın. Özünü kimsədən üstün də bilmə, Çalış ki, səndən də üstün olmasın…