НАНҶӮН

А Нанҷӯник аҷаб дилсузи зорат,
А Нанҷӯник басо ҷонсузи зорат.
А Нанҷӯник доим дил беқарорат,
А Нанҷӯник, сар ширин забонат.
Заминанд Нанҷӯн сар бегуноят,
Заминанд Нанҷӯн дуюм Худъоят.
Чисум тар ту га юхъкен ту цемард,
Қабул савум а Нанҷӯник ту мерард.
Ху фарзанд ҷат ик дис беқарорат,
Дъу цем тар пӯнд доим интизорат.
Заминанд Нанҷӯн сар бегуноят,
Заминанд Нанҷӯн дуюм Худъоят.
Худъой Наник ту умри дароз кихьт,
Амехьа фук ҷой ту сарфароз кихьт.
Ягӯнаят ту маш гамхор а Нанҷӯн,
Туят қиматди машрд доим аз ҷӯн.
Заминанд Нанҷӯн сар бегуноят,
Заминанд Нанҷӯн дуюм Худъоят.
Расулулло ца лӯвҷи ху ҳадисанд
Биихьт зери қудуми Наненанд.
Муқими лӯм, йо Мавлои даврӯн
Амехьа ве му Нанҷӯник нигабӯн.
Заминанд Нанҷӯн сар бегуноят,
Заминанд Нанҷӯн дуюм Худъоят.
Муқими Бадахшонӣ
12.03.2017 сол
н. Панҷ