Сен кетдинг, ортингдан термулдим ҳайрон,
Умрим осмонларин кетдинг қорайтиб!
Сени унутмайман энди ҳеч қачон,
Лек сени ҳеч қачон севмайман қайтиб!
Мен кетдим, ортимдан йиғладинг вайрон,
Кўнглинг кўкларини кетдим сарғайтиб.
Мени унутмайсан энди ҳеч қачон,
Лек сени ҳеч қачон севмайман қайтиб!
Сен кетдинг, мен кетдим, кетдик саргардон,
Бизни эслаб йиғлар бу ерлар айтиб.
Бизни унутмайди севги ҳеч қачон,
Лек сени ҳеч қачон севмайман қайтиб!
Мен ҳамон юрибман бемурод, сарсон
Сен ҳамон юрибсан дарбадар, дайдиб!
Энди унутмаймиз БИЗни ҳеч қачон,
Лек сени ҳеч қачон севмайман қайтиб!