KIMNI SEVASAN? Farzandlar õstirgan, niyatlari oq, Bir umr mehnatda qõllari qadoq, Oltmishga kirmasdan sochlari oppoq, Otangni sevmasang, kimni sevasan? Barcha bolasini birdayin suygan, Saharda non yopib sochlari kuygan. Senga ipak tikib õzi chit kiygan, Onangni sevmasang, kimni sevasan? Yaxshingni oshirib, yomoning yopgan, Qirq bitta jonini senga baxsh etgan. Boriga shukur deb qanoat qilgan, Yoringni sevmasang, kimni sevasan? Ishdan kelganingda assalom degan, Burnidan chimchisang qiqirlab kulgan. Uch kun kõrmay qolsang tushingga kirgan, Bolangni sevmasang, kimni sevasan? Qishda uzumini ishkomdan uzgan, Yozda kulchalari tandirsiz pishgan. Ey dõstim, Xudoning nazari tushgan Vatanni sevmas