Yavaş-yavaş məndən uzaqlaşırsan, Fikrin ayrılmaqsa, ayrılaq indi. Mənə görə heç də narahat olma, Əsas sənsən, sənin xoşbəxtliyindi. Səni unutmağım çox zaman almaz, Yəqin unudaram bir neçə vaxta. Məni fikirləşmə, məni düşünmə, Bəlkə başqasını sevərəm hətta. Bəlkə də başqası çox sevər məni, Mən də o insanı başa düşərəm. Köhnə bir dost kimi, bir tanış kimi, Arada səni də fikirləşərəm… Səni də incitdim, səni də yordum, Bağışla, mən səni başa düşmədim. Bu, mənim birinci səhvim deyil ki, Səni sevəndə də fikirləşmədim…