Нур шаҳрининг парчагина,
Самолари бўлолсам.
Сиз туғилган тун порлаган,
Зуҳролари бўлолсам.
Тавонинггиз изи тушган,
Ул табаррук қумларни,
Қучиб ётган Ясрибнинг
Саҳролари бўлолсам.
Шаббодалар силаб ўтса,
Нур ёғилган юзингизни,
Ҳидингиздан ҳушбўйланган
Ҳаволари бўлолсам.
Мискинларга улашилса,
Қўлингиздан эҳсонлар,
Кафтингизни ўпаолган,
Тиллолари бўлолсам.
Агар борсам, миллион уммат
Ичра мени танисангиз,
Сизга салом берган тошнинг
Нидолари бўлолсам.
Ёлғизликни истаб гоҳо,
Йўл олсангиз тоғлар томон,
Сизга бағрин очган ғорнинг
Ҳиролари бўлолсам.
Суҳбатлашсак, очсам юрак,
Йиғлайверсам, сизни тинглаб,
Сўзингизнинг биттагина
Иқъролари бўлолсам.
Отлансангиз узоқларга,
Ой ёритса йўлингизни,
Ул