მე სიყვარული შეშლამდე ვიცი,
მორალის კითხვა, გთხოვ, არ დამიწყო.
ქუჩაში ჩემი ერთი გასვლა და,
მახსენდება როგორ დაიწყო...
მე მონატრებაც შეშლამდე ვიცი
ყველა ღიმილი ყალბია უმისოდ.
არავინ იცის და ვერც მიხვდება,
მე რად მიჯდება სიტყვა ურითმოდ...
მაშინ, როდესაც ყვირილი გინდა,
დაკრძალვა უნდა ითმინო უმიწოდ!
მე სიყვარული შეშლამდე ვიცი.
სხვაგვარი არ მწამს, ფუჭი, უნიჭო...
მე მონატრებაც შეშლამდე ვიცი,
სრულ ჭკუაზე რომ ვერ ხარ უმისოდ.