ნუ შეგეშინდება სიმართლისთვის თვალებში ჩახედვის,
ის მწარე მათრახია,
რომელიც წინ მიგერეკება, სინათლისაკენ.
ნუ შეგეშინდება ეკლებისა,
ისინი მტკივნეულია,
მაგრამ ტკივილის ატანას გაჩვევს.
ნუ შეგეშინდება ღალატისა,
ის ნეგატივია,
რომელიც ერთგულების ფასს გასწავლის,
ნუ შეგეშინდება სიბნელისა,
ის იმედს გაჩვევს,
რომ ოდესმე გათენდება!
ნუ შეგეშინდება წყურივილისა,
ის აუცილებელია,
რომ სიცოცხლის წყალს მუდამ ეძებდე.
ნუ შეგეშინდება ლანძღვისა,
ის შენი ხვედრია,
თუ გინდა, რომ ქრისტეს ჯვრის მოზიარე გახდე.
ნუ შეგეშინდება უარყოფისა,
ის ხანდახან საჭიროა,
რომ მტვერი დაიფერთხო ტანსაცმლიდან,
და სხვაგან წახვიდე.
ნუ შეგეშინდება ნათლით მოსილი მტრისა,
ის მომეტებულს სიბრძნეს გაახლოებს,
რომ გულის დაფარულის შეცნობა შესძლო.
ნუ შეგ