Левая колонка

Ахмедов Фуркат

Последний визит: 22 ноя 2025

Фильтр

Уйғонмаган қанча, билмайди ҳеч ким,
Саҳарда уйғониб, кўз очдик шукр.
Қора майиз билан, новвот, бол билан,
Тинч нонушта қилмок, қанчалар ҳузур.

Кўрдик чарақлаган бобо қуёшни,
Гоҳ ёзда қизиймиз, гоҳ яшнар баҳор.
Капалак рақсини, майса рангини,
Умрида бир бора кўрмаганлар бор.

Юриб чарчадингиз, толиқдингизми?!
Ношукрлик қилманг озгина ўйланг.
Оёқ кийими бор, аммо кийишга
Оёғи йўқларнинг ҳолини сўранг.

Либосингиз ёқмай жиғибийронсиз,
Кийим кўплигидан ётар қалашиб.
Дўппи топилар деб, жон кайғусида,
Тентийди қашшоқлар ушоқ талашиб.

Болалар уйида ғариб гўдаклар,
Зор юрар, бир марта Она дейишга.
Иккита иссиқ нон олинг-да, дарров,
Боринг онангизни кўриб келишга.

Сизни бугун ишдан бўшатишдими?!