Yuragimga solmadim quloq,
Orzularim bahridan o'tdim.
Seni baxting tiladim biroq,
Men o'zimga achinib ketdim.
Ko'nglimga qil sigmadi bugun,
Armonlarga qo'limni tutdim.
Seni yor yor olib ketgan kun,
Yuragimga achinib ketdim.
Muhabbatim qoldi dilimda,
Aytar so'zim qotti tilimda.
Baxtim emas ekan qo'limda,
Zor ko'nglimga achinib ketdim.
Aytolmadim senga biror so'z,
Dardlarimni ichimga yutdim.
Yor ko'changni kezganda yolg'iz,
Ho'rligimga achinib ketdim.
Tog'day orzu eding, qulading,
Armon bo'lib dilda gullading.
Gulim, menga baxtlar tilading,
Himmatinga achinib ketdim.
Senga baxtlar tilaganlar ko'p,
Senga taxtlar tilaganlar ko'p
Mensiz baxtli bo'larmikin deb
Keragimga achinib