Левая колонка

Зохирджан Бокиев

Последний визит: 18 дек 2021

Фильтр

Дар ҷахон гар бахт бошад, модар аст,
Гар биҳишти нақд бошад, модар аст,
Давлати мо, тахт бошад, модар аст,
Модар асту модар асту модар аст!
Он, ки бар рӯи ҷахон орад туро,
Он, ки дар умраш наёзорад туро,
Он, ки аз ҷон дӯсттар дорад туро,
Модар асту модар асту модар аст!
Он, ки баҳри ӯ ту ширину асал,
Гар касал гардӣ, шавад ӯ хам касал,
Он, ки баҳри ту натарсад аз аҷал,
Модар асту модар асту модар аст!
Он, ки ӯ умре дуогӯи ту аст,
Дар хаёлаш дидани рӯи ту аст,
Садқаи чашмону абрӯи ту аст,
Модар асту модар асту модар аст!
Дӯст бисёр аст дар рӯи замин,
Аксари онҳо ба хони мо қарин,
Банда гӯяд, ки ёри беҳтарин,
Модар асту модар асту модар аст!