Юртимиздаги барча мўмин-мусулмонларни, бутун халқимизни шукроналик, саховат ва меҳр-оқибат айёми – муборак Қурбон ҳайити билан чин қалбимдан самимий табриклайман.
Ушбу улуғ айём кунларида узоқ ва яқиндаги, хусусан оиласидан узоқда меҳнат қилаётган барча дўстларимизни самимий қутлаб, уларга тинчлик ва хотиржамлик, тараққиёт ҳамда фаровонлик тилайман.
Барча пок ниятларимиз ижобат бўлишини, Яратганнинг ўзи юртимизни турли бало-қазолардан асрашини, дўстлик ва аҳиллик туйғуларимиз ила бирдамлигимизни йўқотмаслигимизни, мушкулларимиз осон бўлишини сўраб қоламан.