Гульнара Идрисова

СИРАТ КҮПЕРЕ... (ХИКӘЯ)

ЕЛАМЫЙЧА УКЫЙ АЛЫРСЫЗМЫ ИКӘН? МИН ЕЛАДЫМ! Алар исән калды. Җиде ананың җиде өмете. Кан сеңгән кайнар ком өстендә төрле кыяфәт-рәвештә катып калган иптәшләренең үле гәүдәләре аша дошман каршына атладылар. Сулар һавалары, туар таңнары, үтәр юллары, киләчәкләре, ахыр чиге тормышлары шулар кулында иде... Алар исән калды. Югыйсә кулларында корал, коралларында дары бар иде. Югыйсә беләләр иде: мөҗәһитләр кулына әсир төшүгә караганда үлемең мең артык! Белсәләр дә, үлемне түгел, әсирлекне сайладылар... Чөнки әсирлек ул барыбер тормыш иде. Чөнки һәр җанда калтырый-калтырый булса да өмет уты яна, гомер юллары Әфган дигән чит-ят илдә килеп кушылган җид