❗️Разам з членамі Прэзідыума Каардынацыйнай рады і прадстаўнікамі грамадзянскай супольнасці я падпісала Мемарандум у абарону суверэнітэта і незалежнасці нашай краіны.
Згодна з Канстытуцыяй, нашым галоўным законам, я лічу, што толькі беларускі народ мае права распараджацца такімі каштоўнасцямі як незалежнасць, бо гэта - вынік гістарычнага шляху шматлікіх пакаленняў беларусаў, плён руплівай працы нашых бацькоў і дзядоў. І таму любая спроба продажу незалежнасці краіны за палітычныя прэферэнцыі, любы падпісаны дакумент аб гэтым будзе расцэньвацца народам як беззаконная змова і здрада нацыянальным інтарэсам, як дакумент, які не мае аніякай юрыдычнай сілы.