სიტყვები კი არა, გრძნობა დამელია,
თითქოს ყველაფერი ამერ-დამერია,
მზე აღარ გამოდის, წვიმაც თავს იკავებს
და ეს ამინდებიც კვლავაც არეულა.
სიტყვები კი არა, გული დალეულა,
სიმართლე ტყუილში ისევ შერეულა,
ღრუბლებმა ჩემი ცა ისევ გადაფარეს,
და ის რაც მჯერავდა სადღაც გადაკარგეს.
სიტყვები კი არა, ცხოვრება ამერია,
ვეღარ დავამთავრე მასთან პოლემიკა
როგორ დავიღალე, დარდი მომრევია,
ეს ამინდები კი გრძნობას მოელიან,
თუ მე გავიხარებ ალბათ მზე გამოვა,
თუ კი ავტირდები კვლავ წვიმა წამოვა
მაგრამ ახლა ფიქრიც ამერ-დამერია
ვეღარც ვიცინი და ცრემლიც გამშრობია.