Փոքրիկ պատգամս՝
Լավ լսի՛ր տղա,
Երբ կյանքդ կապես
Ու զույգավորվես,
Քո սիրելիին
Պահես փայփայես,
Հանկարծ մայրիկիդ
Երբեք չանտեսես,
Անտարբերության՝
Վայրկյան չմատնես։
Թե նա, ջան ասի՝
Դու՛ ասա, հա՜ ջան,
Թե խորհուրդ տա քեզ,
Ասա հա՛ մամ ջան։
Ցավից հառաչի՝
Օգնություն ցույց տուր,
Հոգատար եղի՛ր,
Քո սիրով մաքուր։
Թե մի բան կասի
Անպայման լսիր,
Մի՛ թող հետոյին
Կամ արհամարհիր։
Գիտե՞ս քո ձայնից
Քնից է զրկվել,
Ջանք չի խնայել,
Քեզ է մեծացրել։
Այն մազերը տե՛ս՝
Հատ-հատ ճերմակել,
Եվ ծանր հոգսի
Վկան են դարձել։
Նա իրեն զրկել,
Որ դու ունենաս,
Նա անվերջ տքնել,
Որ հոգս չունենաս։
Գիտե՞ս քո մատի
Անգամ մեկ փուշը,
Նրա սրտի մեջ
Մեծ վերք է բացել,
Իսկ դու մայրիկիդ
Չարչարված կյանքը
Աշխատի՛ր՝ սիրով
Ժպիտով լցնել։
Արևիկ Թերզյ