რელიგია არ არის შენზე გრძელი სანთლის ხელში ჭერა და იმაზე პირწავარდნილი ლოცვა, როდის ჩაიწვება დალოცვილი. სარწმუნოება არ არის ტაძრის გაყინულ იატაკზე მუხლებით ფორთხიალი და სახარების თავჩაქინდრული მოსმენა. მართლმადიდებლობა არ არის ყოველ კვირა ზიარების რიგში დგომა და თვითკმაყოფილება. კრძალვა არ არის დაბერილი ტუჩებით ხატებზე ან გუმბათქვეშ გამოსახულ წმინდანებზე ჰაეროვანი ამბორი. რელიგია ვართ ჩვენ, ადამიანები და ურთიერთობები...
ცხოვრების გზა თავისუფალი და ლამაზი უნდა იყოს, მაგრამ ჩვენ დავკარგეთ ეს გზა. სიხარბემ მოწამლა ადამიანთა სულები, მსოფლიო სიძულვილისგან ბარიკადებით გადაიღობა. ჩვენ განვავითარეთ სისწრაფე, მაგრამ მასში ჩავიკეტეთ. მანქანებმა გზა გაგვიხსნეს სიმდიდრისკენ, ცოდნამ ცინიკურები გაგვხადა, ნიჭიერებამ კი – გაგვაბოროტა. ჩვენ ვფიქრობთ ძალიან ბევრს და ვგრძნობთ ძალიან ცოტას. მანქანებზე მეტად ჩვენ ადამიანობა გვჭირდება, ნიჭიერებაზე მეტად – სიკეთე და თავაზიანობა. ამ თვისებების გარეშე ცხოვრება ძალადობრივი გახდება და თავის ნამდვილ არსს დაკარგავს