1992թ. ապրիլին Սուրեն Օչինյանը ձեռնամուխ եղավ ստեղծելու մարտարվեստի փոքրիկ մի դպրոց և որոշեց այս բնագավառում ունեցած իր գիտելիքներն ու փորձը փոխանցել իր առաջին սաներին: 1993թ. ստեղծվում է ԳԱՄՄԱ մարզակումբը, որտեղ մի խումբ երիտասարդներ ու աղջիկներ սկսեցին ուսումնասիրել Վադո-Րյու ոճի գաղտնիքները և առաջին անգամ մասնակցեցին տարբեր մրցաշարերի և գրանցեցին լուրջ հաջողություններ:
1995թ.-ին ծանոթանալով ավանդական կարատեի Ֆուդոկան ոճի հիմնադիր սենսեյ Իլիա Յորգայի հետ՝ Սուրեն Օչինյանը որոշեց, որ ավանդական կարատեյի այս ոճն ավելի մոտ է մարտարվեստի իրական ակունքներին և հիմնարար գիտելիքներ ակնկալելով՝ Ֆուդոկան կարատեն փոխարինեց Վադո-Րյուին: Նա իր սաներին համախմբեց մի նոր նպատակի շուրջ՝ կրթվել ու
2017թ.լրանում է Սուրեն Օչինյանի մարզչական գործունեության և ֆեդերացիայի հիմնադրման 25-ամյակը: Այս հիշարժան առիթով օգոստոսի 1-ին սենսեյ Սուրենի 25 տարիների սաներից շատերն արդեն իրենց ընտանիքներով հյուրընկալվեցին Պուշկինոյում տեղակայված Բուդո-Շինի վրանային ճամբարում: Իր ներկայությամբ միջոցառումը պատվեց Ճապոնիայի արտակարգ և լիազոր դեսպան պարոն Էյջի Տագուչին: Այս օրը ֆեդերացիայի պատմության մեջ նշանավորվեց մի յուրօրինակ ու խորհրդանշական արարողությամբ՝ ծառատունկով: Շնորհավորելով Սուրեն Օչինյանին այս հոբելյանի կապակցությամբ Վախթանգ Մելիքսեթյանը ֆեդերացիային նվիրեց 5 ծառ՝ սլացիկ կենսածառեր և արծաթափայլ եղևնի՝ ի նվիրումն սենսեյի հիմնադրած 4 ֆեդերացիաների և գործունեության ու հայ-ճապոնական բարեկամության