Yuragim ishqingda cho'g'dek yonsa ham

Dunyodagi barcha mendan tonsa ham.
Telba deb qalbimni yulib olsa ham.
Allohim sevgingdan bir parcha bergin.
Mayliga cho'llarni kezay umurbod.
Holimni ko'rganlar deb yuborsin dod.
Diydoringa yetolmay qilayin faryod.
Allohim ishqingdan bir parcha bergin.
Nomingni aytmasdan tura olmayin.
Seni o'ylamasdan yura olmayin.
Mayliga boy odam bo'la olmayin.
Allohim ishqingdan bir parcha bergin.
Desinlar ko'rganlar kim bu devona.
ishqingda kul bo'lay men yona yona.
Azoblardan hil hil bo'lsin mana shu jona.
Allohim ishqingdan bir parcha bergin.
Toki ko'zlarimdan mehir porlasin.
Ishqingni taftidan qalbim gullasin.
Bugun shayton alamdan o'ksib yig'lasin.
Allohim ishqingdan bir parcha bergin.
Borliqni sevgi birla ko'rishim uchun.
Asl sevgi qandayligin bilishim uchun.
Dunyo azoblariga dosh berishim uchun.
Allohim ishqingdan bir parcha bergin.
Ishqsiz könglim misli muzga aylangan.
Tilim shakar emas tuzga aylangan.
Umrim ham oxirlab kuzga aylangan.
Allohim ishqingdan bir parcha bergin!