Ayriliqda bo'ldi dil pora,

Achchiq yoshlar tomadi sim-sim.
Eslamading yilda bir bora,
Unutganing rostmi Yolg'izim?
Chertsa armon qalb darchasini
Qonlar yutib o'kinar dilim.
Yuragingni bir parchasini,
Unutganing rostmi Yolg'izim?
Ginalardan yiroqman ammo,
Bir shamolday titrar yuragim.
Ko'zlarimga qorong'u dunyo,
Unutganing rostmi Yolg'izim?
Hira tortgan yulduzlar misol
So'ngi so'zni aytolmas tilim,
Tushlarimda berarman savol
Unutganing rostmi Yolg'izim?