Ketavering qayrilmang ortga,

Ketavering mayli kechirdim.
Qaysarligim tutdiyu shartta,
Yuragimdan sizni o'chirdim.
Hijronlarda tunlar to'lg'onib,
Yulduzlardan tilandim malham.
Men o'zimni sizdan qizg'onib,
Ulg'aymasin degandim yaram.
Afsus dilga yetti jaroxat,
Otash ishqning otash cho'g'lari.
So'ngida eh... Ko'zimda nafrat,
Qalbim to'la armon o'qlari.
Ketavering, keting kechirdim,
Men o'zimni kechirolmadim.
Hayotimdan sizni o'chirdim,
Hayolimdan o'chirolmadim...