სიხარულიდან ტკივილამდე ერთი წამია,

ერთგულებიდან ღალატამდე ერთი ნაბიჯი,
ხშირად მას ვკარგავთ,ვინც ყველაზე დასანანია,
ხან თვითონ გვკარგავს,რადგან ჩვენი ფასი არ იცის.
ურთიერთობა წლებში მყარად გამოიცდება,
საქმით და რწმენით გაღვივდება ნდობის მარცვალი,
თეთრი შავისგან ამიტომაც გამოირჩევა,
უსიყვარულოდ არაფერი იყო,არც არის.
ერთგულება თუ შენში,როგორც კოდი არა დევს,
ვერ ისწავლი და ვერც გასწავლის უკვე ვერავინ,
ორგული კაცი ვერ მიაღწევს უკვე ვერაფერს,
ნუ დააბრალებს,ტყუოდაო ბედის მწერალი.
ტრიალებს ბედის ბორბალი და წლები მიდიან...
გულს კი ტკივილად შემორჩები სევდავ ფარულო,
ეს ცხოვრება ხომ საცალფეხო ბეწვის ხიდია,
გვახსოვდეს,ამ ხიდს ვერ გავივლით უსიყვარულოდ.
ნანა მეტრეველი.