ჩემი თვალებით შეგიხედავს სამყაროსათვის?

თუ დაგინახავს ჩემი სევდა რა ფერისაა?
ჩემს განვლილ გზაზე გაგივლია ჩემი ნაბიჯით?
შეგიმჩნევია ეს ჩემი გზა, როგორი გზაა?
მოგისმენია, ჩემი სული როგორ მღეროდა?
ან როგორ ტირის,რაზე მოსთქვამს როცა ატკენენ?
აბა შეხედე, ამ ჭრილობებს არა აქვთ ტევა.
შენი ნათქვამით,იარები უფრო გაბევრდნენ
და სანამ ჩემზე იტყვი, ბევრჯერ შეეშალაო,
იქნებ, დაფიქრდე სანამ სიტყვით, მე გულს მატკენდე.
ჩემი თვალებით შეგიხედავს სამყაროსათვის?
თუ დაგინახავს ჩემი სევდა რა ფერისაა?
ნანა აბესაძე