ისე ახლოს ვარ, ახლა შენთან, რომ უნებურად,

ჩემო სიცოცხლევ, დამიჯერე, სუნთქვა მეკვრება,
როდესაც გხვდები, გეხუტები როგორც მეგობარს,
მერე კი ჩემს გულს, უჩვენობა, ისევ ეხება,
თურმე რამდენი შეძლებია გულს, საყვარელო,
იმ გულს რომელიც, შენთან ახლოს, ჩუმად ბერდება,
სულ გელოდები და შეხვედრით, იმ დარდს, ვიქარვებ,
რომელსაც ჩემი სიყვარულის ცრემლი ედება,
შენთან ახლოს ვარ, მაგრამ მაინც სულ მენატრები
და ყოველ ღამით, შენზე ფიქრი ისევ ბევრდება,
ხელი ჩამჭიდე, საყვარელო და ერთად ვზიდოთ,
შენს ჯვართან ერთად, ერთად ყოფნის, ბედნიერება,
გაურკვევლობამ გადამღალა, ნუ გამამტყუნებ,
შენს სიჩუმეში, ჩემს სიყვარულს ფერი ეცვლება,
გთხოვ დაარღვიე დუმილი და რამე მითხარი,
სანამ ეს გული, სამუდამოდ, გამიჩერდება...
23.12.15.
ქეთი ალასანია.