ვისაც ფიქრი აქვს გაყინული,

გაუთბე ღმერთო,
ან ვისაც დილას ღამე უდგას,
აუნთე მზე და
ვის სულშიც ახლა ზღვები ღელავს,
უწყნარე ურვა...
ვისაც კი შია ამ წუთას ღმერთო,
მიეცი სარჩო,
ვისაც კი ცხელა და უდაბნოდ ექცა ქვეყანა,
უჩინე წყარო...
ვისაც კი სტკივა ახლა ღმერთო,
მიჰმადლე შვება,
ვინაც არ იცის სად წავიდეს,
წასასვლელი უჩინე ქუჩა...
ვისაც კი ახლა ცრემლებამდე სჭირდება სითბო,
წამით ანახე ნატრული და
დაათბე ღმერთო...
და ვისაც შენი სასწაულის იმედის ჯერა-
ჩემო უფალო,ამ წუთებში ვინც გიხმობს ქვეყნად,
ყველას ეფინოს შენს მიერი წყალობა-ჯვარი,
გლახაკისათვის უცხო გამვლელს ეწიოს მადლი ....
ვისაც ფიქრი აქვს გაყინული,
გაუთბე ღმერთო...
დიკა სალაყაია