"Mahzunmiz "

Aslida behikmat bo'lmaydi ishlar,
Allohning amriga so'zsiz mahkummiz,
Bugun jamoatsiz qoldi masjidlar,
Yuraklar ezildi bundan mahzunmiz.
Bariga sababchi gunohkor inson,
Unutdik tavbani nedan mamnunmiz,
Nematda yashab ham qildik biz isyon,
Robbim bizni kechir bundan mahzunmiz.
Ofiyat sendandur,Rahmat sendandur,
Baytingdan yiroqlab go'yo majnunmiz,
Angladim tavbaning vaqti kelgandur,
Qalb qattiq yig'ladi bundan mahzunmiz.
Sinovlar sayqallab inson sabrini,
Unutmasak bo'ldi hokisor qulmiz,
Haq taolo berar ulug' ajrini,
O'zing isloh qilgin bundan mahzunmiz.
Muallif: Akbarjon Obidjonov
24.03.2020