Aşiqanә.

İstәrdim o lәblәrdә zәhәr olmasın, oldu!
İstәrdim ümidlәr dә hәdәr olmasın, oldu!
İstәrdim hәr axşam bu nağıllarә dönüm mәn,
İstәrdim o axşam da sәhәr olmasın, oldu.
İstәklәrim alt-üst olub, әcr aldım әtayә,
Fәryad elәsәm bәlkә çatar әrşi-fәzsyә
Bir dәfә yanıb, dәstimi dil açdı Xudayә
Yalvardı ki, bundan da betәr olmasın, oldu!
Bәxtimdәdi nöqsan, a könül, umma vüsaldan?
Әl çәk, necә mәn çәkmişәm әl cahi-cәlaldan!
Ummaqmı olar bir bu qәdәr adi xәyaldan?!
Daldım ki, xәyallarә, kәdәr olmasın, oldu!
Gündüz günü qarә dolanan bәndә mәnәm, mәn!
Cananәm üçün zövq yonan rәndә mәnәm, mәn!
Ey banu, gәzәn daima dövrәndә mәnәm, mәn,
Çәhd eylәdim әsla bu qәdәr olmasın, oldu!
Yoxsulluğuna baxdım, onun varını gördüm,
Vәd verdi gecә, mәn sәhәr ilqarını gördüm.
Açdıqca niqabın mәnә, әtvarını gördüm,
Әrz etdi aramızda çәpәr olmasın, oldu!
Yaz Elsevәr әrkanı, bәşәr kam ala bilsin.
Gündüz küsәnin könlünü axşam ala bilsin.
Öz yarını öyrәt könül ilham ala bilsin.
Vәsf etmә ki, salnamә tәhәr olmasın, oldu.
Müәllif: Elsevәr Әhliqürbәt.
04.12.2016.