АКЦЫЯ “ЛЕС!

ДАБРО! ПАРАДАК!”
14 красавіка музейшчыкі разам з супрацоўнікамі ўстаноў культуры, сельсавета, лясніцтва, педагогамі, членамі школьнага лясніцтва сталі ўдзельнікамі рэспубліканскай акцыі “Лес! Дабро! Парадак!”, прысвечанай пяцігодцы якасці.
Зранку ва ўрочышчы Мікіцёнкі Германавіцкага лясніцтва закіпела праца. Бліжэй да абеда ўдзельнікі акцыі ўжо высадзілі больш за 12 тыс. саджанцаў елкі і 8 тыс. – бярозы. Адно задавальненне працаваць разам, з разуменнем таго, што гэтыя маленькія дрэўцы вырастуць і зашумяць лістотай, стануць домам для птушак, ачысцяць паветра.
У гэтай акцыі праява любові да сваёй краіны, клопат пра нашу зямлю, яе будучыню, імкненне ўмацаваць сваю Радзіму, зрабіць яе больш прыгожай.
Хутчэй набірайцеся сілы, дрэўцы! Расціце да нябёс!