“РУКАТВОРНЫ ЦУД” – пад такой назвай сёння ў музеі адкрылася выстава народнай студыі майстроў народных мастацкіх рамёстваў “Талака” Шаркаўшчынскага Цэнтра рамёстваў.

На выставе прадстаўлены выцінанкі Святланы Заіка і Людмілы Казіцкай. Гэта сапраўдныя “папяровыя карункі”, якія аб'ядноўваюць у сабе розныя сюжэты, глыбокія народныя сімвалы, міфалагічных і казачных істот.
Карціны Алесі Лабэцкай, вышытыя крыжыкам, заваражваюць спалучэннем дэталёвай дакладнасці і высокага мастацтва. Майстар стварае складаныя сюжэты з тысяч маленькіх сцяжкоў.
Навучэнцы Германавіцкай сярэдняй школы, Шаркаўшчынскай сярэдняй школы №1 і Сіцькоўскай базавай школы Міёрскага раёна з цікавасцю і захапленнем наведалі выставу і сталі ўдзельнікамі майстар-класа па выцінанцы ад майстра выцінанкі Святланы Валер’еўны Заіка.
Выстава будзе працаваць да 19 красавіка 2026 года!