ПАД ЗНАКАМ СУСТРЭЧЫ ВЫПУСКНІКОЎ

Першы тыдзень лютага пройдзе пад знакам вечарыны сустрэчы выпускнікоў. Апошні месяц зімы сапраўды адпавядае сваёй назве, але гэта не стане перашкодай для тых, хто імкнецца пераступіць парог роднай школы, каб адчуць цеплыню і радасць ад сустрэчы з аднакласнікамі і настаўнікамі, успомніць гады дзяцінства і юнацтва, прайсці па школьных калідорах, зазірнуць у класы, дзе калісьці вучыліся, марылі, сябравалі.
Віртуальная фотагалерэя ”У АБ’ЕКТВЕ – ВЫПУСКНІКІ“ на працягу тыдня на старонках сацыяльных сетак будзе знаёміць з фотаздымкамі юбілейных выпускаў Германавіцкай сярэдняй школы, з цікавымі фотамомантамі школьнага жыцця.
Сёння ў аб’ектыве – юбілейныя выпускі другой паловы XX стагоддзя.
Спадзяёмся на зваротную сувязь! Будзем вельмі ўдзячны, калі дапоўніце нашу віртуальную выставу фотаздымкамі з уласных архіваў, і тым самым, дапаможаце ў стварэнні фоталетапісу Германавіцкай сярэдняй школы, над якім працуе музей.
Фотаздымкі можна даслаць на электронную пошту музея germanovichi@mail.ru , або змясціць у каментарах.