І фарбамі, і сэрцам, і душой

малюе вобразы зямныя мастак-аматар Генадзь Аляксандравіч Невярковіч. Яго карціны прывабліваюць яркасцю мяккіх і спакойных фарбаў, арыгінальнасцю падачы і нейкай асаблівай цеплынёй. Кожны твор дорыць радасны настрой і эмоцыі, якія мы адчуваем падчас зносін з прыродай. Генадзя Аляксандравіча можна без перабольшвання назваць майстрам лірычнага пейзажу
На выставе прысутнічала дачка мастака Рыта Генадзьеўна Рубніковіч, якая працуе настаўніцай у Германавіцкай сярэдняй школе. Яна расказала шмат цікавых фактаў з жыцця свайго бацькі Генадзя Аляксандравіча, які, дарэчы, нарадзіўся ў вёсцы Шыці. Быў знаёмы з мастаком Касцюкевічам Пятром Пятровічам, ураджэнца гэтай вёскі. Сапраўды, біяграфія Генадзя Аляксандравіча – гэта прыклад служэння сваёй малой радзіме, дзе ён працаваў настаўнікам, вобразна кажучы, ад першага да апошняга званка.
Нават цяпер, у сталым узросце, Генадзь Аляксандравіч застаўся верным свайму захапленню маляваннем і стварае новыя вобразы і сюжэты.