Падзеі нашага музея

На бульбяным фэсце ў Германавічах было, як заўсёды, вельмі людна, душэўна і сардэчна. Ужо зранку музей наведвалі шматлікія экскурсанты, а пасля 14 гадзін пачалося свята каралевы ўсёй яды – бульбы. Сталы ламіліся ад рознага кшталту страў, ліліся песні, пякліся дранікі, праводзіліся майстар-класы. І, нават, даджлівае надвор’е не сапсавала святочнага настрою.
Вялікі дзякуй усім гасцям, удзельнікам святочнай канцэртнай праграмы “Родныя напевы”, гульнёвай праграмы “Бульба-шоу”, калектыву “Дзісенчукі” за каларытнасць і непаўторнасць фэсту. Пагартаем віртуальны фотаальбом і ўспомнім незабыўную сімфонію святочных імгненняў, вясёлых момантаў, чаканых і нечаканых сустрэч.