PEYĞƏMBƏRİMİZ (sav) ÇOX YARAŞIQLI OLUB....

Peyğəmbər olmaq ən çətin, amma dünyada yaşamış və yaşayacaq qullara iman vəsiləsi və gözəl nümunə olmaq baxımından ən şərəfli vəzifədir. Yaşadıqları dövrlərdə əziyyət görən peyğəmbərlər bu çətinliklər qarşısında heç zaman ruhdan düşməyiblər. Zülmkarların atdıqları böhtanlara, etdikləri işgəncələrə, onları məsxərəyə qoymalarına, hətta bəzən şəhid edilmələrinə qədər gəlib çatan vəziyyətlərdə hər zaman gözəl əxlaqla cavab veriblər.
Buna görə də gözəl əxlaq sahibi olan Peyğəmbərimizə həm onun yaşadığı dövrdə, həm də bizim dövrümüzdə atılan iftiralar ona olan sevgimizi artırır. Aləmlərə rəhmət olaraq göndərilən Peyğəmbərimiz (səv) çox əzəmətli, heyranedici yaraşığa sahib, sevgi dolu mübarək insan olub. Bütün bu xüsusiyyətlərini Qurandan öyrəndiyimiz Rəsulullah bizim üçün ən gözəl nümunədir.
Allahın Elçisi sizlərə – Allaha və Axirət gününə ümidini bağlayanlara və Allahı çox zikr edənlərə gözəl nümunədir. (Əhzab surəsi / 21)
Bizə düşən ona dəstək olub onu müdafiə etməkdir.
O kəslər ki, yanlarındakı Tövrat və İncildə haqqında yazılmış olduğunu gördükləri elçinin – yazıb-oxumaq bilməyən peyğəmbərin, ardınca gedərlər. O peyğəmbər onlara yaxşı işlər görməyi buyurar, pis əməlləri isə qadağan edər, onlara pak şeyləri halal, murdar şeyləri isə haram edər. Onların ağır yüklərini yüngülləşdirər və onları buxovlardan xilas edər. Ona iman gətirən, onu dəstəkləyən, ona kömək edən və onunla göndərilmiş nurun (Quranın) ardınca gedənlər isə nicat tapanlardır”. (Əraf surəsi / 157)
Vurğulamaq istədiyimiz ən mühüm məsələ budur ki, müqəddəsatımızı və Rəsulumuzu məsxərəyə qoyanların cəzası onları öldürmək deyil, çünki bu yanlışa yanlış ilə qarşılıq verməkdir. Quranda möminlərin bu cür vəziyyətlərdə necə rəftar etməli olduqları bildirilib:
Ayələrimizi lağlağıya qoyanları gördüyün zaman, onlar başqa söhbətə keçənə qədər onlardan üz çevir. Əgər şeytan bunu sənə unutdursa, xatırladıqdan sonra zalım tayfa ilə birgə oturma. (Ənam surəsi / 68)
Onlara ən gözəl cavab hüquq normalarına uyğun, qanunlar çərçivəsində cavab verməkdir. Möminlər Peyğəmbərimizi nümunə aldıqlarına görə hər zaman əsil və nəcabətlidirlər, həm fiziki, həm də mənəvi cəhətdən tərtəmizdirlər.