🌿Литературный флешмоб

"В стороне моей марийской...", посвященный 100-летию республики Марий Эл 🌿
1. Напишите под этим постом на своем родном языке несколько предложений о своей малой родине, о республике Марий Эл.
2. Прикрепите фото места, о котором повествуеете.
"Шочмо вер"
Ах, шочмо вер! Кажне айдемын шке шочмо, йоратыме кундемже уло. Кушто тудо шочын, кушкын, осал ден порым ойырен мошташ тунемын, пагалымаш ден йоратымашым шке чонышкыжо шындарен.
Мый гын, тыгай верлан шочмо ялем, Мосара кундемем шотлем. Уло мо тыгай сылне вер-шор? Мыйын шонымаште, Мосара деч сылнырак, лишылрак кундем уке. Мемнан ялышкына турло кундем гыч уна-влак толыт: Голландий, Индий да молтат. Шочмо ялнам нуно вигак йоратен шынденыт.
Мосара кундемым йоратыде огешат лий, очыни. Йырваш кумда пасу, чапле олык, кугу чодыра. А чодыраште саскаже мыняр? Тыште лыкын-лукын кадыргал Мосара энерна йоген эрта. Энернаже шке колжо дене моктана.
Мыланем тыште кажне шудо пырчыже, йолгорныжо, ладыра пушенгыже чонемлан лишыл.Эр эрдене лектатат, йырым-ваш ончалатат, уло кумылет каватур марте чонешта, пуйто леве юж шумышкет йоратымаш мардежым конда. Пуртус куаным чылалан пуымет шуэш.
Шочмо вер-шорем пуртус дене веле огыл сылне, калыкше денат кугешна. Тиде сылне верыште турло профессиян пашаче ен шочын-кушкын: кидмастарат, мурызат, юристат, судьяат, туныктышат, кевытчат, гармонистат да тулеч молат.
Конешне, мый шочмо мландем нерген шуко возен кертам. Мыйын шонымаште, кажне ен Мосара кундемыште шочын кушмыжлан кугешна.
Шукерте огыл возымо почеламутем дене кошартем:
Эх, Мосара! Шумем мура!
Чонем куан ден погына!
Сорал пуртус, лыжга мардеж.
А мо эше мылам кулеш?
Коллан пуя,саскан чодыра
Пеледыш уло олыкна.
Кумда пасу,кугу энер
Ужар лышташ да муро сем .
Яндар кава,ужар логна
Да мом эша те кычалыда?
Йырваш ончал ,йолташ,ужат
Могай мотор сурет шочеш…
Ныжыл ава,ласка ача,
Да ялын поро калыкна
Йолташ,тылач тыге мый каласем:
«Тый шарне шочмо кундемет.
Ит мондо тые нигунам
Авам,ачам да Мосарам.»