Boshqami yo sevganing?

Yuragim qon bo‘lgan kun,
Ichimda g‘am to‘lgan kun,
Ko‘z yoshim to‘kilgan kun,
Holim so‘rab kelmading,
Boshqami yo sevganing?
Yursam, yo‘lim adashar,
Kulsam dilim adashar,
So‘zlab tilim adashar,
Baxtim eding bilmading,
Boshqami yo sevganing?
Qalbimni ko‘p g‘ashlama,
Sirli nigox tashlama,
G‘irrom o‘yin boshlama,
Rostmi ko‘ngil uzganing,
Boshqami yo sevganing?
Oylar o‘tar, yil o‘tar,
Javobing Husan kutar,
Seni qanday unutar,
Ko‘ngil uyin buzganing,
Boshqami yo sevganing?