Bir nəfəslik məsafədən sənin uzaq şəhərinə boylanıram

Həsrət çəkir baxışlarım..
bəzən bütün şeirlərim dua olur;
Deyirəm ki...
Kaş gözünə toxunaydı baxışlarım..
Bəzən olur can atıram qapıları açılmayan ürəyinə,
Bəzən olur ömrüm qədər gözləyirəm...
Bəzən olur,soyuğunda buz kəsirəm;
Bəzən olur xəbərsizcə özləyirəm,özləyirəm...
Bir şərqiylə qayıdırsan,
bitməyəcək yuxu kimi asılırsan kipriyimdən
Bircə anlıq uzatsaydın ürəyini,
Düşünmədən;
Ürəyimə ip keçirib,asılardım ürəyindən ...
Ya ölərdim, ya qalardım;
möhnət mənim möhnətimdir
Ürəyində ölümüm də toy-bayramdır
Harda sənin ürəyin var;ora mənim cənnətimdir...
Ora mənim cənnətimdir..