&&&

ერთ მილიონს გადავუხდი, ვინც მოკლავს ბიძინას', - უკრაინული სიტი სავარაუდოდ მიხეილ სააკაშვილის და თემურ ალასანიას ფარულ აუდიოჩანაწერს ავრცელებს
25 ოქტომბერი 2018 16:14
უკრაინულ საიტზე zdes.com .ua-ზე სავარაუდოდ, საქართველოს ყოფილი პრეზიდენტის, მიხეილ სააკაშვილისა და მისი ბიძის - თემურ ალასანიას სკანდალური ჩანაწერი გავრცელდა. ჩანაწერში, საუბარია საქართველოში მიმდინარე პოლიტკური პროცესების რადიკალიზაციასა და ბიძინა ივანიშვილის ლიკვიდაციაზე.
“ერთ მილიონს გადავუხდი, ვინც „სნაიპერსკი ვინტოვკით“ მოკლავს ბიძინას”, – ამბობს ჩანაწერში თემურ ალასანია.
აღნიშნული ჩანაწერი ტელეკომპანია "პირველის" დღის ამბებში განიხილეს. "ნაციონალური მოძრაობის" წევრმა ნიკა მელიამ განაცხადა, რომ აუდიოჩანაწერი გაყალბებულია და სიმართლეს არ შეესაბამება.
ამასთან, "ქართული ოცნების" დეპუტატმა ზაზა გაბუნიამ განაცხადა, რომ მიხეილ სააკაშვილს სძულს საქართველოს მოქალაქეები და ჩანაწერის სინამდვილეში დარწმუნებულია. მან ასევე აღნიშნა, რომ დაელოდება ჩანაწერთან დაკავშირებით საბოლოო სიმართლეს.