777 ტოლმა სოკოთი.

(სამარხვო)
ძალიან გემრიელი გამოვიდა და ამიტომაც ვდებ,არ ველოდი თუ სოკოთი ასეთი გემრიელი გამოვიდოდა:
- ერთი მოზრდილი კომბოსტო ჩავდე მდუღარეში,ასე ადვილად გავაცალე ფოთლები,დანით მოვაშორე უხეში ნაწილები.ტაფაზე ზეთში მოვბრაწე ხახვი და სოკო(კონსერვის ,ცოცხალი არ მქონდა)მერე ცოტა ტომატი დავამატე,ვშუშე კიდევ ერთად და ბოლოს შევურიე მოხარშული ბრინჯი,მარილი,სუნელები და მწვანილები გემოვნებით.
შევახვიე ეს მასა კომბოსტოს ფოთლებში, შემდეგ დავბრაწე მაღალ ცეცხლზე.
ცალკე ქვაბში მოვშუშე ხახვი და სტაფილო ტომატთან ერთად,შევურიე 1 ს/კ ფქვილი და ვშუშე ცოტა ხანი,შემდეგ დავასხი წყალი წამოვადუღე ,მარილი,ნიორი,სუნელები და მწვანილები ისევ თქვენი გემოვნებით.ბოლოს ჩავალაგე ამავე მასაში დაბრაწული ტოლმები და ვხარშე კიდევ ერთად დაახლოებით 30 წთ.
საუცხოო გამოვიდა,ასე გემრიელად ხორციანი ტოლმა არ გვიჭამია. ხო ,კიდევ ძალიან მოუხდა სოუსი, რომელიც სამარხვო მაიონეზისგან გავაკეთე:მაიონეზს შევურიე 2 კბილი დაჭყლეტილი ნიორი და სვანური მარილი.