დაკავების დროს მაგდა პაპიძე ორსულად იყო- ამის შესახებ ღუდუშაურის კლინიკის გინეკოლოგმა ნატა ფირცხალავამ ჟურნალისტებს განუცხადა. ექიმი პაპიძის სასამართლოზე დღეს მოწმის სტატუსით დაიკითხა. მისი დაკითხვა დახურულ რეჟიმში მიმდინარეობდა. ფირცხალავას განცხადებით, მაგდა პაპიძე თავდაპირველად 2015 წლის 23 დეკემბერს გასინჯეს და მას ორსულობა დაუდგინდა, ხოლო 26 დეკემბერს ორსულობა უკვე შეწყვეტილი იყო: „ორი-სამი კვირის ორსული იყო. განმეორებით 26 დეკემბერს გავსინჯეთ და ორსულობა უკვე შეწყვეტილი იყო. ამ სამი დღის განმავლობაში ჩვენთან კლინიკაში იმყოფებოდა. მიზეზს ვერ გეტყვით, თუ რატომ შეწყდა ორსულობა. მაგდა პაპიძემ თავად იცოდა, რომ იყო ორსულად და აინტერესებდა, ვითარდებოდა თუ არა ეს ორსულობა“, - განაცხადა ნატა ფირცხალავამ. გინეკოლოგის ინფორმაციით, ბრალდებულს გასინჯვის დროს რაიმე სახის დაზიანებები არ აღენიშნებოდა. დღეს, 17:44 #nesi