არქიმანდრიტობა შენი მოიხსენიოს უფალმა სასუფეველსა თვისსა, ოდეს მოვიდეს სუფევითა მისითა.
ალბათ ამ ქვეყნიურ საზომებში ყველაზე პირობითი დროა. დროის მსვლელობა, მისი აღთქმა და განცდა. ალბათ უშენოდ განვლილი ეს 40 დღე უფრო ვრცელი იყო ვინემ ის წლები რომლითაც შენთან ვიყავით. მაგრამ უფალშია მარადისობა და იმედია იქ ნეტარებს შენი უკვდავი სული, რადგან ,, პატიოსან არს წინაშე უფლისა, სიკვდილი წმიდათა მისთა"
დღეს წარდგები უფლის წინაშე.
დღეს იხილავ უფლის ტახტს.
დღეს დაგამკვიდრებს საღმრთო მადლი სამყოფელსა მართალთასა.
დღეს გაგიღებენ ანგელოზები კარს აბრაამის წიაღისა.
დღეს გეტყვის უფალი, მოვედი ჩემდა კურთხეულო მამისა ჩემისაო.
დღეს გეტყვის უფალი მოვედი ჩემთან მაშვრალო და ტვირთმძიმეო.
დღეს შეგიფარებს დედა ღვთისა თავის კალთაში შვილივით. შენ ხომ ბოლომდე ადიდე მისი ძე და ჩვენი ღმერთი.
დღეს ას წილ მოგაგებს უფალი იმ სიწმიდეთა დაცვისთვის რომელიც სიცოცხლის ბოლომდე ატარე და არ გაუშვი ხელი. არც უფალმა დაგიკარგა და მასთან ერთად გატარა ნაპირამდე.
დღეს დედა ღვთისა ჩაგიკრავს გულში და მოგეფერება იმ თმებზე რომელმაც ბოლომდე დაიჭირა და ატარა მისი ძის და შენი სამღვდლო ხარისხის ჯვარი.
დღეს დაგიფასდება ის მუდმივი ზრუნვა რომელიც გამორჩეულად გიყვარდა შეგემკო განსაკუთრებული სინატიფით ჯვარ-ხატები.
დღეს მოგვიხსენე უფალთან, რათა უფალმა ჩვენც შეგვიწყალოს.

დეკანოზი კონსტანტინე (პაიჭაძე)