Տորթ Պրագա

Բաղադրությունը
Բիսկվիթի համար`
6 սպիտակուց
6 դեղնուց
150գր. շաքարավազ
115գր. ալյուր
25գր. կակաո
40գր. կարագ:
Կրեմի համար`
1 դեղնուց
20մլ. ջուր
120գր. խտացրած կաթ
200գր. կարագ
մեկ հատ վանիլի փոշի
10գր կակաո:
Գլազուրի համաիր`
200 գր. շոկոլադ
3ճգ. կաթ:
Պատրաստման եղանակները
Բիսկվիթի համար ձվի սպիտակուցները լավ հարել շաքարավազի կես բաժնի հետ, իսկ շաքարավազի մյուս մասը հարել դեղնուցների հետ: Այս երկու զանգվածները լավ հարելուց հետո, խառնել միասին: Ալյուրը և կակաոն միասին խառնել, ապա ավելացնել խմորին: Զգուշությամբ խառնել, եզրերից դեպի կենտրոն շարժելով գդալը/ ցանկալի է խառնել փայտե գդալով/: Այս ամենիվ ավելացնել նախապես հալչած կարագը և կրկին խառնել: Այս զանգվածը լցնել նախապես կարագով պատված և ալյուր շաղ տված կաթսայի մեջ, ապա եփել ջեռոցում 180-200աստիճան ջերմաստիճանում 30 րոպե: Երբ բիսկվիթը պատրաստ կլինի, թողնել որ սառչի մի քանի ժամ:
Կրեմի համար դեղնուցին ավելացնել ջուրը, ապա խտացրած կաթը: Այս ամենը խառնելուց հետո, դնել մարմանդ կրակին: Եփելու ընթացքում անընդհատ խառնել, որպեսզի չկպչի: Այս կրեմը շատ են օգտագործում անգլիացիները:
Առանձին հարել կարագը, լավ հարելուց հետո քիչ քիչ ավելացնել նախապես եփված կրեմը: Երբ կրեմը պատրաստ կլինի, ավելացնել կակաոն, կարող եք ավելացնել նաև կամ լիկյոր, կամ կոնյակ /ըստ ցանկության/:
Բիսկվիթը բաժանել երեք մասի և յուրաքանչյուրի վրա կրեմ քսել:
Գլազուրը պատրազտելու համար շոկոլադը հալեցնել ջրային գոլորշու վրա, ապա ավելացնել կաթը:
Գլազուրով պատել բիսկվիթը, ապա թողնել, որ սառչի: Որոշ ժամամանկ հետո կարող եք մատուցել: