Буген Куганакбаш авылы халкы да гөр килеп язны каршылады, шаулап, гөрләп Нәүрүз бәйрәме булып үтте.

Ул халкыбызның борынгыдан калган, көн белән төн тигезләшкән вакытта уздырыла торган күркәм йоласы. "Нәүрүз" фарсы телендә "яңа көн" дигәнне аңлата. Көн белән төн тоташкан, тигезләшкән көнне кешеләргә бәхет теләргә, бер-береңә карата аеруча ягымлы булырга кирәк. Бәйрәмгә Нәүрүзбикә, Кояшкай һәм Убырлы Карчык та килде. Халыкның яше дә, карты да чыккан иде бәйрәмгә. Авылдашларыбыз тарафыннан бик мул итеп чәй табыны әзреләнде. Бәйрәм төрле уеннар, җыр - моң белән үрелеп барды. Халык һәр уенда актив катнашып күңелле ял итте, кайнар самовар чәйләре эчеп, рәхмәт әйтеп таралышты.