«Батырлыклары – һәркем өчен үрнәк»:💔

🏫Менделеевскиның Иске Гришкин авылы гомуми белем бирү мәктәбе территориясендә батырларча һәлак булган якташлары 🌟Илнур Габбасов һәм 🌟Артур Михайлов хөрмәтенә истәлекле мемориаль такталар ачылды🙏🏼
Бу 🪽🪽ике батыр егет Ватанны саклауда үз гомерләрен бирделәр. Аларның исемнәре безнең күңелләрдә, хәтерләрдә мәңгегә сакланачак. Мемориаль такталар аларның батырлыгын, фидакарьлеген искә төшереп торыр, киләчәк буыннарга үрнәк булыр.
Бу истәлекле чарада район җитәкчеләре, мәктәп укучылары, укытучылар, авыл халкы, шулай ук һәлак булган егетләрнең туганнары һәм якыннары катнашты. Мемориаль такталарны ачу тантанасы тирән хисләр, горурлык һәм кайгы белән үрелеп барды❤️‍🔥
Авыл җирлеге башлыгы Константин Алексеев үз чыгышында Илнур Габбасов һәм Артур Михайловның батырлыгын, аларның Ватан алдындагы бурычларын үтәгәндә күрсәткән кыюлыгын ассызыклады. Аларның исемнәре мәктәп тарихына алтын хәрефләр белән язылачак, ә аларның батырлыгы – һәркем өчен үрнәк булып калачак.
Мемориаль такталар – ул безнең Ватанны яклаучыларның батырлыгына, фидакарьлегенә булган тирән хөрмәтебезнең символы❤️
📸: Константин Алексеев.