Ҳизбуллоҳ ҳаргиз силоҳи худро ба замин намегузорад

Дабири кулли Ҳизбуллоҳи Лубнон, дар суханони худ бо таъкиди қатъӣ изҳор дошт, ки муқовимат ҳаргиз силоҳи худро ба замин намегузорад.
Ба гузориши ТоҷикПресс, Шайх Наим Қосим, дабири кулли Ҳизбуллоҳ ин мавқеъро дар чорчӯби дифоъ аз Лубнон, муқобила бо таҷовузҳои пайвастаи режими Исроил ва ҳифзи каромат ва истиқлоли миллӣ арзёбӣ кард.
Ба гуфтаи ӯ, талаби халъи силоҳи Ҳизбуллоҳи Лубнон на як хости дохилӣ, балки як хости амрикоӣ–исроилист, ки ҳадафи ниҳоии он заъиф сохтани Лубнон ва водор кардани ин кишвар ба таслим шудан дар баробари душманонаш мебошад.
Шайх Наим Қосим бо ишора ба созишномаи оташбаси 27 ноябри соли 2024 таъкид кард, ки Лубнон вориди марҳилаи наве шудааст, ки дар он давлат масъули таҳкими соҳибихтиёрӣ ва истиқлоли кишвар аст ва муқовимат низ ба тааҳҳудоти худ дар ҳимояти давлат пойбанд будааст.
Бо вуҷуди ин, вай таъкид намуд, ки дар шароите, ки таҳдид ва таҷовузи Исроил идома дорад, халъи силоҳи муқовимат иқдоме ғайримантиқӣ ва бисёр хатарнок хоҳад буд.
Вай хотирнишон сохт, ки ҳеҷ ҷунбиши муқовимате дар ҷаҳон аз лиҳози силоҳ бар душмани худ бартарии комил надорад, аммо он чи муқовиматро муассир месозад, қудрати боздорандагии он аст; боздорандагие, ки тавонистааст дар тӯли 17 сол душмани саҳюнистиро аз ҳар гуна иқдоми густурдаи низомӣ боздорад.
Аз нигоҳи дабири кулли Ҳизбуллоҳ, маъмурияти аслии муқовимат “озодсозӣ” буда, ин рисолат бар имон, фидокорӣ ва омодагӣ барои дифоъи устувор аст. https://tajikpress.com/2025/12/14/ҳизбуллоҳ-ҳаргиз-силоҳи-худро-ба-зами/