მხოლოდ იმიტომ რომ მე შენ მიყვარხარ,

ვიწამე გრძნობები მე ყოვლად წმინდა
და წელიწადის ნებისმიერ დროს,
იასამნები მოგართვა მინდა.
ჩაგწვდები სულში, ვიგრძნობ შენს გრძნობებს
და სიყვარულის საგნად გისწავლი,
მხოლოდ იმიტომ რომ მე შენ მიყვარხარ,
მე შენს საყვარელ ცეკვას ვისწავლი.
მეცეკვე ტანგო, მეცეკვე ეშხით,
ამოვეხეთქოთ მგზნებარე ლავიდან,
მოდი "მედაშენ" ცოტა გავთავხედდეთ
და "ქალის სურნელი" შევქმნათ თავიდან...
მუზად მეწვიე და თითქოს აქამდეც,
ხშირად მწვევიხარ არეულ ფიქრებად,
მხოლოდ იმიტომ რომ მე შენ მიყვარხარ,
ვიქცევი მე შენი ღიმილის მიზეზად.
ხშირად გაგაღიმებ რომ ეგ საოცრება,
ფანქრით ბლოკნოტში სურათად ჩავწერო,
და წელიწადის განმავლობაში,
სამას სამოცდა ხუთჯერ დაგწერო.
მზის სხივთან ერთად ავდგები შენთვის
და შენს სიზმრებში შემოვქროლდები,
მხოლოდ იმიტომ რომ მე შენ მიყვარხარ
გვერდიდან არასდროს არ მოგშორდები.
მხოლოდ იმიტომ რომ მე შენ მიყვარხარ,
გულში საუცხოო გრძნობები მერთვის
და მსოფლიოში ყველაზე დიდი სცენიდან
მინდა ვიმღერო შენთვის.
მხოლოდ იმიტომ რომ მე შენ მიყვარხარ,
შენი ოცნების ფერებში ავხდები,
დაგიწერ ლექსებს ათას სიგიჟეზე
და შენი სამყაროს პოეტი გავხდები…
მხოლოდ იმიტომ რომ მე შენ მიყვარხარ,
ცამდე წამიღეს გრძნობის ქარებმა,
მთელი ცხოვრება შენ მეყვარები,
სხვა ქალი არასდროს არ მეყვარება.
მხოლოდ იმიტომ რომ მე შენ მიყვარხარ,
მთელი ემოციის გრძნობით დაგეცლები,
და მხოლოდ იმიტომ რომ მე შენ მიყვარხარ,
სხვა თუ გეყვარება, მე შენ ..... გ ა გ ე ც ლ ე ბ ი !...