Отажони, онаси учун,   Кўнглининг бир донаси учун,   Ўғил-қизи, боласи учун,   Мардлар қўриқлайди Ватанни.

Олов кечиб, сув кечиб яшаб,   Ўз-ўзига онт ичиб яшаб,   Амир Темур, Бобурга ўхшаб,   Мардлар қўриқлайди Ватанни. Юрт деб қурбон бўлди нечаси,   Бежон қайтиб келди нечаси,   Баҳор-у қиш, кундуз-кечаси,   Мардлар қўриқлайди Ватанни. Булбул борки, бор чаман бўстон,   инсон борки, бор Ватан, қўрғон,  Номардларнинг борлиги ёлғон,  Мардлар қўриқлайди Ватанни. Эгилмасин эрларнинг боши,   Етсин саксон, тўқсонга ёши,   Оғир бўлсин кўтарган тоши,   Мардлар қўриқлайди Ватанни. Зуҳросидек севар ёрини, Кафтда асраб кўнгил зорини,  Керак бўлса бериб борини,  Мардлар қўриқлайди Ватанни...!