⚡️Çирĕм çул — халăх умĕнче

Сергей Петровшăн юрă чун киленĕçĕ те, юратнă ĕç те. Халăха пултарулăхĕпе савăнтарма пуçланăранпа кăçал 20 çул çитрĕ. Кун-çул чуппинчи пĕлтерĕшлĕ çак куна вăл Упи кану центрĕнче ентешĕсемпе пĕрле паллă турĕ.
«Çырмара выльăх-чĕрлĕх пăхнă чухне те кăшкăрса юрлаттăм. Юрă-кĕвĕ мана вăй хушнă, хăюллантарнă пек туйăнатчĕ», — терĕ Сергей Германович.
Унăн сасси пĕчĕк чухнех уçăлнинчен тĕлĕнмелли çук. Кукашшĕ ăста купăсçă пулнă. Кукамăшĕ сăвă-такмак, халап-юмах калама юратнă. Çывăх çыннисен ăсталăхĕ ачана, паллах, витĕм кӳнĕ. Упи шкулне çӳреме пуçласан вара пултарулăхĕ тата аталаннă. Вĕрентекенсем хитре юрлакан ачана тĕрлĕ концерта, конкурса час-часах хутшăнтарнă. Ăна ялти клубри мероприятисене те йыхравланă. Сцена майĕпен-майĕпен ачан чун-чĕринче артист пулас ĕмĕте çунатлантарнă. Вăтам классенче вĕреннĕ çулсенче вара пурнăçне юрă-кĕвĕ тĕнчипе çыхăнтарас шухăш çирĕпленсе çитнĕ. Сергей культура училищине çăмăллăнах вĕренме кĕнĕ. Вокал уйрăмĕнче Михаил Семенов педагог патĕнче ăсталăхне туптанă вăл. Çав вăхăтрах сцена çинче те пултарулăхне кăтартнă.
Тĕплĕнрех – «Ял пурнăçĕ» хаçатра (07.05.2026)