⚡️Çуран утса вун-вун çухрăма парăнтарнă

Константин Будков — çамрăк тухтăр. Вăл Хĕрлĕ Чутайри тĕп больницăра тăрăшать. Пушă вăхăтра спорт туризмĕпе кăсăкланать. Виçĕ çулта каччă чылай çĕрте пулса курнă, вунвун километра хыçа хăварнă.
Костя Шупашкарта çуралнă, ачалăхĕ Сургут тăрăхĕнче иртнĕ. Вăл 15 çулта чухне Будковсем тăван ене таврăннă.
«Пĕчĕклех шапасемпе, нăрăсемпе выляттăм, вĕсене «сиплеттĕм». «Ку ача медик пулатех», — тетчĕç аслисем. Вĕсем калани те витĕм кӳчĕ ахăртнех. Шкулта хими урокĕсене юрататтăм. Йывăр тренировкăсене пула ура сыппи ыратма тытăнчĕ, больницăна çӳреме пуçларăм, çавăн чухнех унти лару-тăру килĕшнĕччĕ. 9-мĕш класранпа тухтăр пулас шухăшпа çунатлантăм», — аса илчĕ Константин.
Шкул хыççăн каччă И.Н.Ульянов ячĕллĕ ЧПУн медицина факультетне вĕренме кĕнĕ. 6 çул сисĕнмесĕр иртнĕ. 2025 çулта алла диплом илсен çамрăк специалист ĕçе кӳлĕннĕ. Сывлăх сыхлавĕн министерстви сĕннипе ăна Хĕрлĕ Чутая ĕçлеме янă, пурăнмалли вырăнпа та тивĕçтернĕ.
Тĕплĕнрех – «Çамрăксен хаçатĕнче» (07.05.2026)