Оқибатдан суз очганда дил ғашланса,

Охиратдан суз очганда куз ёшланса,
Давраларда дунёликдан гап бошланса, Ота-онам бой деб эмас бор деб қувон.
От, туяда эмас майли юр пиёда,
Оринг булса пулдорлардан сен зиёда,
Эй биродар беш кунлик бу дунёда,
Ота-онам бой деб эмас бор деб қувон.
Булмагани ожиз банда булдиролмас,
Онанг каби сени хеч ким кулдиролмас,
Уксик кунглинг моли дунё тулдиролмас,
Ота-онам бой деб эмас бор деб қувон.
Ота-она бизни ташлаб кетса аён,
Юракдаги ғам-ташвишлар қилар исён,
Шундай экан хизматида туриб хар он,
Ота-онам бой деб эмас бор деб қувон.
Ургилсина дабдабали уйларингдан,
Айлансина қадди нихол буйларингдан,
Ёру-дустлар келган катта туйларингдан,
Ота-онам бой деб эмас бор деб қувон.
Биз ерлигу пули куплар эмас ойлик,
Улмаган жон бир кун булар уйи-жойлик,
Ота-она асли узи катта бойлик,
Ота-онам бой деб эмас бор деб қувон.
Улфатларинг паст назарда қарасалар,
Сохта дустлар ён-атрофинг урасалар,
Кимлар сендан кимлигини сурасалар,
Ота-онам бой деб эмас бор деб қувон!